Haakon Fretheim Meyer

Utdrag fra minneord i Kyrkjelyden - menighetsbladet for Vinje:

Tidlegare sokneprest i Vinje, Haakon Fretheim Meyer, døydde i Sandnes måndag 10. februar, nær 94 år gamal.
Haakon var prest i Vinje i nesten 12 år frå 1965.Både han og Aud, kona hans, blei særs viktige personar for kyrkje- og kristenlivet i Vinje på den tida. Ikkje minst var ytremisjon viktig engasjement for dei båe, særleg arbeidet for NMS. Trettandagsbasaren, som framleis er halden i hevd av tidlegare sokneprest Svein Ringhus og kona hans Anne, blei og viktig både for Haakon og Aud. Basaren er ein gamal tradisjon etter sokneprest Kornbrekke, prest i Vinje til 1920.

Håkon var på mange måtar ein aktivist, radikal og konservativ på same tid, og oppteken av si samtid . Då Nord Korea var på sitt mest aktive med rakettar, og ulike terrororganisasjonar herja i mange land, ringde Haakon inn til avisa Dagen med oppmoding om å ta inn Luthersalmen Gi fred, å Herre Gud, gi fred i våre harde tider! ein trøystesalme for vår tid, meinte Haakon. Han sette sjølv ein tone til salmen, og song han m.a. i samband med nittiårsfeiringa si. Borna har lagt ut ei opptak på Facebook frå den gongen. Der syng han med kraftfull stemme si bøn om fred.
Salmen vart og sungen i gravferda til Haakon i Høylandet kyrkje den 21. februar.
Vi let salmen vere ei helsing til familien hans frå oss i Vinje, men og ei bøn og helsing frå Haakon til oss i den urolege tida vi no opplever.

«Det ligger meg på hjertet at vi trenger denne salmen nå. Vi trenger han veldig nå, sa Haakon Meyer til avisa Dagen.

Gi fred, å Herre Gud, gi fred
i våre harde tider!
Stig sterk og nådig til oss ned
når vi i avmakt strider!
Gi hjarta fred, å Herre.
Gi fred, å Herre Gud, gi fred
i våre harde tider!
Stig sterk og nådig til oss ned
når vi i avmakt strider!
Gi verda fred, å Herre.
Gi fred, å Herre Gud,
gi fred i våre harde tider!
Stig sterk og nådig til oss ned
når vi i avmakt strider!
Gi evig fred, å Herre.